"മുറിച്ച മുറി"യെന്ന്-
എല്ലാവരും,
ഒരേ സ്വരത്തില്..
മകളേ,
കണ്ണുകളിടയുമ്പോള്-
ഞാന് നീയെന്നോ
നീ ഞാനെന്നോ
ഭ്രമിച്ചോരമ്മ വേഷ-
മകംപുറം മറിയുന്നു !
ഇതെന്റെ കണ്ണ്;
നിഴല് വീഴും മുന്പുള്ള-
വെയില്ത്തിളക്കം,
പൂവിരല്,
തേഞ്ഞുരഞ്ഞു
തഴമ്പാകും മുന്പത്തെ-
തളിരിതള്,
ചുവടുകള്,
പതര്ച്ചയില് നിന്നുറപ്പിലേക്ക്
വഴിയേറെ നടന്നുഴലും മുന്പുള്ള
പിച്ച വയ്പ്പ്,
ഇതെന്റെ ചിരി,
അഴല് നിറയും മുന്പുള്ള
നിലാ വെട്ടം,
കണ്ണുനീര്,
കരയാതെയുറയാന്
പഠിക്കും മുന്പുള്ള-
തെളിയുറവ്,
വളരുകയാണ് ഞാന്
കണ്മുന്നിലെന്
ജീവനേ നിന്നിലൂടെ...
നീ നീയെന്നും
ഞാന് ഞാനെന്നും
വേര്തിരിയുമൊരു കാലം...
കണ്മണീ,
കാഴ്ചയില് മാത്രം
അമ്മയെപ്പോലാവുക.
മകളല്ലേ!
ReplyDeleteകണ്ണാടി...
Deleteകണ്ണുനീര്,
ReplyDeleteകരയാതെയുറയാന്
പഠിക്കും മുന്പുള്ള-
തെളിയുറവ്,
Good
Thank You...
Deleteമനോഹരം..
ReplyDelete